Sejour de descuberto en Droumo prouvençale - Aubergage et acuei de group.

De veni pèr un sejour au FIEF, aco es faire la chausido de passa de vacanco ativo, de descurbi, d’escambia.

Que fugués en famiho o en group sian aqui pèr vous acoumpagna dins lou complimen de vostis envejo et de vosti proujèt .

 

Li passejado pèr descurbi e miés counèisse noste terraire.

Prepausan i group em’i famiho que fan soun sejour au FIEF un prougramo « à la cartà » per miés counèisse lou terraire remirable ounte avèn planta caviho.

• Présentation dou vilage e de soun terradou à l’aflat de l’Histori, de la géougrafio, de la poulitico e dis endevenènço soucio-ecounoumico.
• Espacejado pèr faire descurbi lis alentour dou village, aprene à legi lou païsage.
• Escourregudo acoumpagnado.
• Descuberto dis ativeta di mestierau : terraio de Diéu-lou-fet, nougat  de Mountelimar, vin de la Costo dou Rose, e tambèn froumage de cabro, rabasso dou Tricastin.
• Serado : grasihado, crespèu,cansoun, tasta de vin et de froumage…



Li sujèt di prougramo :

Ensignamen :
- Enquisto sus la vido de l’endré : entrèvo au marcat, i magasin, emé lis estajan.
- Ativeta de tiatre en visto d’uno representacion.
- Se lou demandes e se nosti mejan ié respondon tout autre proujèt pou èstre mena à bono fin.

Rescontre en tiers-rode :
Lou possible d’un  sejour que recampe au FIEF d’elèvo venènt de païs diferènt en visto d’un proujèt coumun.

Pedagougio de la memori :
Pèr contunia dins la draio qu’enreguè soun foundadou,lou FIEF prepauso un travai de descuberto et de refleissioun sus l’eisil, l’embarrage, la toulerànci

Jouine en aprendissage d’un mestié :
- Counferènci seguido d’un debat mena per d’especialisto de coume s’aprenon li mestié.
- Vesite d’establimen especialisa pèr fourma à-n-un mestié (C.F.A , licèu teini…)
- Vesite d’entepresso especialisto d’uno fourmacioun de mestié.
- Pendènt uno o dos journado estùdi proufessiounau emé de  soci et d’entrepresso dou terraire.

Ensignaire :
Lou FIEF estiganço chasco annado, countrio emé l’OFAJ (oufice franco-alemand pèr la jouinesso) et  d’ùni acadèmi, d’estage de fourmacioun embessounado de l’un e l’autre paîs pèr lis ensignaire de françés en Alemagno e d’alemand en Franço. D’especialisto dison, pièi, soun mot pèr presenta de biais  nouvèu d’encitatioun que fan vèire, proumié, la mesclo di culturo et lou travai en couble dins lis escàmbi escoulàri di dous païs.

FIEF - Foyer International d’Etudes Françaises - 245, Grande Rue - Châteauneuf de Mazenc - 26160 La Bégude de Mazenc - France
Tél : +33 (0) 4 75 46 21 48 - Email : info@fieflabegude.com - www.fieflabegude.com - Google+ - Facebook

foyer en drome provençale creation de site internet tourisme Provence 2012